வாழைப் பூ
பூத்துக் குலுங்கும் தோட்டத்தில்
தண்டுடல் கொண்ட வாழை
பட்டுடல் மேனி கொண்டு
தன் மலர்க் கரம் கூப்பி
தரிசனம் தரும் காட்சி
என் கண்களை கவர்ந்தனவே!
எழில் பொங்கும் தோற்றத்தில் – தன்
பூவிதழ் விரித்து, பூ மணம் புகுத்தி
புன்னகை பூத்து இமை சூழ நின்று
ஈர்த்தனவே தேனீக்களை தன்னகத்தே
தேனீக்கள் அமுதை சுவைத்திடும் காட்சி
என் கண்களை கவர்ந்தனவே!
மாலை மயங்கிய வேளையில் – தன்
பூவிதழ்களை மெல்ல உதிர்த்தனவே
நாளொரு மேனியாய் உரு மாறினவே
இரு திங்கள் கழிந்தனவே – காய் கனியாய்
வாழைக்குலையாய் நிற்கும் காட்சி
என் கண்களை கவர்ந்தனவே!
பால்ராஜ் சாமுவேல்
