தியாகச் சுடர் காமராஜர்
சிவகாமி பெற்றெடுத்த காமராஜர்
தமிழனத்தின் தங்கத் தலைவர்
இந்தியா ஈன்றெடுத்த தவப் புதல்வர்
பார் போற்றும் பெருந்தலைவர்
தன்னலம் கருதா தியாகச் சுடர்
பாமரர் வாழ்வின் ஒளி விளக்கு
காமத்தை வென்ற அரசர்
காரிகை துணையின்றி வாழ்ந்தவர்
சிறைக்கஞ்சா உள்ளம் கொண்ட சிங்கம்
சிறையிலே எட்டு ஆண்டு வசித்தவர்
கறையிலா கரம் படைத்த கர்ம வீரர்
குறையின்றி காரியம் முடிப்பவர்
இலவச கல்விக்கு வித்திட்டவர்
சீருடை திட்டத்தை தீட்டியவர்
பள்ளியில் மதிய உணவு அளித்தவர்
இளம் உள்ளங்களில் இடம் கொண்டவர்
பதவி விரும்பா முடிசூடா மன்னர்
குழப்பம் நிறையும்போது கலங்காதவர்
சிந்தித்து செயல்படும் சிந்தனைச் சிற்பி
இந்திய அரசியலில் சாணக்கியர்
கண்ணீரை மாலையாக்கிடுவோம்
சொற்களை காணிக்கையாக்கிடுவோம்
சொர்க்கத்தில் கர்ம வீரர் காமராஜர்
சாந்தியுடன் சஞ்சரித்திட சிரம் தாழ்த்தி
இறைவனை தொழுவோம்.
பால்ராஜ் சாமுவேல்
