வானவில்
கான மயில் தோகை விரித்தாடக்
கண்டு
வானில் வலம் வந்ததோ வான
வில்!
***
வானம் வண்ண ஆடை உடுத்தி
வான வில்லாய்
கானம் பாடி மகிழ்கின்றதோ
மழை மறைவதால்!
***
கதிரவன் கனல், மழை
சாரலின் சந்திப்பில்
உதித்தது வானில் வானவில்
வர்ண ஜாலமாய்!
***
பூவுலகை மழை மன்னன்
அழித்திட புறப்படுகையிலே
நிலவுலகின் மன்னவன்
தன் கனல் வீசி
தடுக்கையிலே
மலர்ந்தது நடு வானில் ஏழு
வண்ண சமாதானக் கொடி - வான
வில்!
பால்ராஜ் சாமுவேல்
No comments:
Post a Comment